आरोग्य सेवा
ग्रामीण भागात काम करत असताना आम्ही पाहतो की अनेक ठिकाणी रक्तदाब, साखर तपासणीसारख्या प्राथमिक आरोग्य सुविधा उपलब्ध नसतात. त्यामुळे अनेक आजार लक्षात न येता गंभीर होईपर्यंत दुर्लक्षित राहतात. ही गरज ओळखून आम्ही वेळोवेळी मोफत वैद्यकीय तपासणी शिबिरे आयोजित करतो. यासोबतच आयुर्वेदावर विशेष भर देत, आम्ही पंचकर्म शिबिरेही घेतो, जे दीर्घकालीन आजारांपासून आराम देण्यासाठी उपयुक्त ठरतात.
योगाभ्यास
श्री माधवनाथ महाराजांच्या शिकवणींने प्रेरित होऊन आम्ही विशेषतः विद्यार्थ्यांसाठी आणि तरुणांसाठी योग प्रशिक्षण शिबिरे आयोजित करतो. यामध्ये शरीरसामर्थ्य आणि मानसिक शांती मिळवण्यावर भर दिला जातो.
युवक सशक्तीकरण व जागृती
गेल्या २० वर्षांपासून आम्ही युवकांसाठी ध्यान व मानसिक स्थैर्याचे प्रशिक्षण देणाऱ्या सत्रांचे आयोजन करत आहोत, जेणेकरून ते तणावमुक्त आणि सकारात्मक जीवन जगू शकतील.
पर्यावरण संवर्धन
आमच्या “तापी” या नावाशी सुसंगतपणे, आमचे निसर्गाशी अतूट नाते आहे. पर्यावरणाच्या रक्षणासाठी आम्ही नियमितपणे वृक्षारोपण मोहीम राबवतो.
आध्यात्मिक प्रबोधन
दरवर्षी श्री देवनाथ महाराज नागपूर, पुणे, पंढरपूर आणि अंतुर्ली येथे आध्यात्मिक प्रवचन सत्रांचे आयोजन करतात. या प्रवचनांमध्ये उपनिषदे, ज्ञानेश्वरी, आणि भगवद्गीता यासारख्या भारतीय तत्त्वज्ञानातील गहन विचारांचे विवेचन केले जाते.